Fjölmennt var á hátíðahöldin á 1. maí í Sandgerði.  Magnús S. Magnússon formaður Verkalýðs og sjómannafélags Sandgerðis setti dagskrána. 

Skúli Thoroddsen framkvæmdastjóri Starfsgreinasambandsins hélt ræðu dagsins, „Samstaða, samhugur og samábyrgð eru í raun grundvallarverðmæti sem við eigum þegar á reynir. Þennan kraft eigum við líka að virkja í þeim efnahagshamförum sem á okkur hafa dunið í kjölfar bankahrunsins. Nú sem aldrei fyrr verða allir að leggjast á eitt að vinna þjóðina út úr vandanum. Sérhagsmunir og stundarhagsmunir pólitískra flokka verða að víkja fyrir hagsmunum almennings í þessu landi.“ Þetta er meðal þess sem fram kom í hátíðaávarpi Skúla Thoroddsen, framkvæmdastjóra Starfsgreinasambandsins.

Barnakór Grunnskólans í Sandgerði flutti nokkur lög undir stjórn Sigurbjargar Hjálmarsdóttur. 

Síðan sungu söngdívurnar í Konfekt nokkur lög við góðar undirtektir.

9. bekkur Grunnskólans ásamt foreldrum sáu um glæsilegar kaffiveitingarnar, eins og verið hefur undanfarin ár. 

Ávarp Magnúsar má sjá hér

Ræðu Skúla má sjá hér í heild sinni

Myndir frá 1. maí hér