Reglulegt þing Starfsgreinasambands Íslands verður haldið á Hótel Selfossi 8. og 9. október n.k. undir kjörorðinu Atvinnulíf á okkar forsendum. Þingið verður sett fimmtudaginn 8. október kl. 11:00 með ræðu formanns, Kristjáns Gunnarssonar. Þá mun félagsmálaráðherra, Árni Páll Árnason og forseti ASÍ, Gylfi Arnbjörnsson ávarpa þingið. Þeir Ágúst Einarsson rektor Háskólans á Bifröst, Aðalsteinn Leifsson, lektor við HR og Ólafur Darri Andrason aðalhagfræðingur ASÍ munu taka þátt í sérstöku málþingi á þinginu sem helgað verður endurreisn atvinnulífsins og hefst kl. 13:20 fimmtudaginn 8. október.

Alls eru það 135 fulltrúar frá 20 aðildarfélögum SGS sem eiga rétt til setu á þinginu sem lýkur á föstudag með kosningu framkvæmdastjórnar og afgreiðslu ályktana sem liggja fyrir þinginu.

Dagskrá fundarins er birt hér á eftir:

Fimmtudagur 8. október

Kl. 11:00         Þingið sett. Tónlistaratriði.

Ræða formanns SGS, Kristjáns Gunnarssonar

Ávörp gesta:
Árni Páll Árnason félagsmálaráðherra
Gylfi Arnbjörnsson forseti ASÍ.

Kl. 12:15          Hádegisverður

Kl. 13:15          Álit kjörbréfanefndar og kosning þingforseta.

Kl. 13:20          Endurreisn atvinnulífsins

• Efnahagsmálin. Hvað á að gera?  Dr. Ágúst Einarsson, rektor Háskólans á Bifröst.
  
• Aðildarviðræður Íslands við ESB með tilliti til landbúnaðar og sjávarútvegs,  Aðalsteinn Leifsson, lektor við HR.
  
• Horfur í kjaramálum, verkefnin framundan. Ólafur Darri Andrason, hagfræðingur ASÍ.
  
• Fyrirspurnir til frummælenda og umræðu.

Kl. 15:00         Kaffihlé

Kl. 15:30         Skýrsla stjórnar og framkvæmdastjóra SGS frá okt. 2007- okt. 2009

                       Ársreikningar sambandsins 2007 og 2008

                       Umræður

Kl. 16:10         Lagabreytingar, fyrri umræða.

Kl. 16:15         Drög að ályktunum þingsins lagðar fram.

• Tillögur nefndanefndar.
  
• Almennar umræður

Kl. 18:00         Þinghlé

Kl. 19:30         Þingveisla að Hótel Selfossi

Föstudagur 9. október

Kl. 09:00         Nefndastörf

Kl. 10:30         Atvinnu- og kjaramál (síðari umræða) 
                       Almennar umræður, framhald.
                       Afgreiðsla ályktana frá nefndum og umræður.
                       Starfs- og fjárhagsáætlun og ákvörðun um skatt.

Kl. 12:00         Hádegisverður

Kl. 13:15         Kosningar
 
Kl. 14:00         Lagabreytingar og afgreiðsla ályktana frá nefndum og umræður 
   
Kl. 15:30         Þingslit