Fræðslusjóðirnir Landsmennt, Ríkismennt og Sveitamennt hafa gert samning við NTV skólann um fulla fjármögnun á sex námskeiðum/námsleiðum sem allt eru starfsþróunarmiðuð og verkefnadrifin fjarnámskeið sem boðið verður upp á í samstarfi við aðildarfélög sjóðanna. Félagsmenn aðildarfélaga þessara þriggja sjóða munu fá námskeið að fullu niðurgreidd.

Verkefnið er tilraunaverkefni fram að áramótum og munu námskeiðin hefjast um mánaðarmótin okt/nóv nk. Öll námskeiðin, námsefni, verkefnavinna, verkefnaskil og samskipti eru inni á nemendaumhverfi NTV skólans í gegnum nettengingu.

Meðfylgjandi eru upplýsingar um námskeið sem NTV skólinn, í samstarfi við starfsmenntasjóði, mun bjóða félagsmönnum í nóvember og desember.

Upplýsingar um námskeiðin má fá með því að smella á slóðirnar hér fyrir neðan, en hafa skal í huga að fjarnámskeiðin eru yfirleitt aðeins einfaldari en staðarnámskeiðin sem lýsingarnar eiga við.

Stefnt er að því að námskeiðin hefjist í fyrstu viku nóvember og klárist tímanlega fyrir jólin.

Námskeiðin sem um ræðir eru:

• Bókhald Grunnur                                8 vikur
• Digital marketing                                7 vikur
• Frá hugmynd að eigin rekstri            4 vikur
• App og vefhönnun                              6 vikur
• Vefsíðugerð í WordPress                   4 vikur
• Skrifstofu og tölvufærni                     6 vikur
  
  Þátttakendur skrá sig á námskeið á slóðinni http://www.ntv.is/is/namskeid/nam-i-bodi-stettarfelags.