Orlofshús VSFS á Spáni – Sumarbókanir

Sumarhús Verkalýðs og sjómannfélags Sandgerðis á Spáni er laust til bókana fyrir sumartímabil 2019. Leigutímabil að sumri eru tvær vikur og vilji fólk vera lengur er mögulegt að leigja tvö tímabil. Skiptidagar sumar 2019 eru þriðjudagar og hefst leigutímabilið þriðjudaginn 28. maí. Verð fyrir tvær vikur er kr.90.000 og skilagjald er kr.13.000. Rétt er að benda á að hægt er að kaupa beint flug til til Alicante á þriðjudögum.

Hús félagsins er í raðhúsahverfinu Altomar III í Los Arenales sem er úthverfi Alicanteborgar. Mjög gott útsýni er til Alicante frá ströndinni í Arenales sem er samfelld alveg til Alicante. Húsið okkar heitir Vinaminni er nr. 13 á jarðhæð í raðhúsahverfinu Altomar III í Arenelas. Best er að notast við hlið nr.123, þaðan eru örfá skref að íbúðinni. Húsið stendur um 500 metra frá strönd en strætó stoppar við raðhúshverfið, einnig stoppar strætó sem fer út á flugvöll á sama stað. Við strandgötuna er fjöldi veitingastaða og verslana þannig að allir ættu að finna eitthvað við sitt hæfi. Á ströndinni eru einnig nokkrir strandbarir fyrir sólarþyrsta ferðamenn.

Hér má svo finna frekari upplýsingar um húsið.

Sjá myndir

Orlofshús VSFS á Spáni – Sumarbókanir

Eingreiðsla fyrir starfsmenn ríkis og sveitarfélaga

Mikilvægur áfangi í baráttunni gegn brotastarfsemi

Orlofshús VSFS á Spáni – Sumarbókanir

Þú gæti líka haft áhuga á:

Orlofshús sumarið 2025